Terms & Conditions

HERITAGE CARNIVAL GROUP

Artíkulo 1 |
Miembro registrá di Asosashon Gruponan Karnaval Kòrsou (AGKK) bou di e nòmber HERITAGE CARNIVAL GROUP

Artíkulo 2 | Miembresia i registrashon
Un persona ta keda konsiderá un miembro di grupo HERITAGE na momento ku:

E persona tin 18 aña òf mas na momento ku karnaval 2027 ta tuma lugá.
E persona ta kompletá e inskripshon i ta risibí su faktura pa medio di e-mail.
E persona ta paga su “downpayment” pa medio di HERITAGE su kuenta di banko.
E persona ta kompletá su pago kompleto promé ku 20 di sèptèmber 2026.

Maneho di HERITAGE lo pasá den tur aplikashon i tuma un desishon final riba kada miembresia. Komo persona, bo ta apliká pa e próksimo parada di karnaval. Bo partisipashon no por keda transferí pa un próksimo aña. Un miembro ku skohe pa kanselá su registrashon lo keda poné riba un lista di espera i lo por re-apliká komo miembro si tin luga ahinda na e momento ei. Un lugá no ta garantisá.
Miembresia por keda terminá pa medio di e siguiente sirkunstansianan:

Malesa serio di un miembro (ta rekerí karta di dòkter).
Fayesimentu di un miembro.
Fayesimentu di un famia di promé òf segundo grado (ta rekerí prueba).
Miembro no ta kumpli ku término di pago.
Miembro no ta komportá promé ku òf durante di marcha di karnaval.
Miembro no ta sigui regla di grupo i a risibí diferente aviso
Miembro ta komportá di forma ofensivo i sin rèspèt.
Miembro ta hasi uso di droga òf otro supstansia ilegal promé ku òf durante di marcha.
Miembro ta hasi kambio na trahe sin aprobashon di maneho di HERITAGE.

Maneho di HERITAGE tin e derecho pa kanselá un miembresia si e miembro ta mustra di por hasi daño
na e grupo i òf otro partisipante. Un miembro ku su registrashon keda kanselá pa medio di maneho di HERITAGE, lo nò risibí sèn bèk i lo no por re-apliká den futuro. Maneho di HERITAGE tin e derecho pa tin último palabra. Si un miembro skohe pa kanselá su partisipashon sin un rason bálido, no ta posibel pa risibí sèn bèk. Si un miembro skohe pa kanselá su partisipashon ku un motibu bálido (menshoná ariba) promé ku 20 di sèptèmber 2026, e miembro por risibí 50% di tur pago hasí bèk. Si kanselá partisipashon despues di 20 di sèptember 2026, e miembro por risibí 25% di tur pago hasí bèk.

ICONICA | XCG 1650,-
LAS FRIDAS | XCG 3500,-
AMOR ETERNO | XCG 5500,-
LA CAROSA | XCG 7500,-

Pa partisipá den grupo HERITAGE 2027, ta rekerí bo inskripshon na balor di XCG 50,- i bo “downpayment” di XCG 250,- pa garantisá e lugá i despues por hasi pago segun e términonan stipulá abou.

Bank Name: Maduro & Curiels Bank

Swiftcode: MCBKCWCU

Bank account Number: 331939200

Description: Nomber Partisipante /Participants name

Si keda sin kompletá e pagonan manera palabrá, e partisipashon di e miembro por keda kanselá, sin e oportunidat pa debolbé e sèn ku a paga kaba. Si durante e periodo di preparashon, no kumpli ku pago, e miembro lo risibí un aviso. Si despues di esaki ahinda no hasi pago, HERITAGE lo stòp e produkshon di e trahe te na momento ku e miembro kontinuá ku su pago. Si e miembro konsistentemente no ta kumpli ku pago, HERITAGE tin derechi pa kanselá e miembresia i duna un otro miembro e lugá.

Artíkulo 4 | Force Majeure
Kalamidat òf krisis nashonal ta situashonnan imprevisto ku por tin konsekuensia kruel pa nos pais i tambe tur persona enbolbí den e organisashon.
Diferente kalamidatnan i krisis nashonal por presentá nan mes den diferente forma, inkluyendo: COVID-19 (coronavirus), otro pandemia, orkan, inhundamentu, tsunami, warwaru, problema ku awa i koriente, guera i muchu mas.

Den kaso un kalamidat òf krisis presentá su mes durante preparashon di òf durante di paradanan di karnaval, gobièrnu di Kòrsou tin un departamentu di kalamidat i krísis ku lo disidí i stipulá kiko e proseso lo bira. Ta posibel ku esaki ta inkluí kanselashon di karnaval.
Den kaso ekstremo pone ku esaki sosodé, tene kuenta ku lo siguiente:

Den kaso di un kalamidat òf krísis nashonal, HERITAGE lo no duna sèn bèk na miembronan. E motibu pa esaki ta ku vários gastu a keda hasí kaba den preparashon pa karnaval.
HERITAGE lo tene e sèn di kada miembro komo un krédito ku por keda usá atrobe na momento ku karnaval sigui. E pagonan risibí lo keda bálido pa un aña despues di e krísis i òf kalamidat.
Den kaso ku un miembro tèst positivo pa COVID-19 òf kualke otro vírus ku por infektá otro, e miembro no por partisipá i tampoko risibí sèn bèk, mirando ku esaki ta fuera di nos alkanse.

Back